మనసు పలికే భాష ప్రేమ
మౌనమడిగే బదులు ప్రేమ
మరణమైనా తోడు ప్రేమ
మనకి జరిగే మాయ ప్రేమ
గుండెలో వ్యథలనే కాల్చుమంటే ప్రేమ
రగిలిన సెగలనే ఆర్పు మంటే ప్రేమ
ఆదియు అంతము లేని పయనం ప్రేమ
వేకువై చేరునే చీకటింట్లో ప్రేమ
విశ్వమంతా ఉన్న ప్రేమ ఇరుకు ఎదలో దాచగలమా?
కాటిలో కాలదు తుది లేని ఈ ప్రేమ
జన్మనే కోరదు అమ్మెరుగదీ ప్రేమ
దొరకదా వెతికితే కడలైనా కన్నీట
తరమగా దాహమే నీరల్లే ఓ ప్రేమా......
సాహిత్యం:రాకేందుమౌళి@అందాల రాక్షసి
